Engin fyrirsögn

Ekkert sérstakt
Það er í raun allt við það sama, ætli ég fari ekki á sjóinn um eða eftir helgi. Ég er nánast búinn með blessaða ritgerðina en ætla ekki að skila henni fyrr en í maí sökum tæknilegra vandamála, allavega er hún nánast tilbúin og ekki þarf ég að taka frekara frí vegna hennar.
Það gengur hægt að fá vinnu í landi, altso vinnu sem mig langar í, ekki vaktavinnu eða helgarvinnu.
Mér sýnist að ég skelli mér bara í skóla í haust, valið er á milli viðskiptafræði og kennslunáms!!! Ekki mjög líkar greinar en kennarinn hefur lengi heillað mig. Ef ég ákveð að fara í skóla verð ég að móast á sjónum, gifta mig í júlí og setjast svo á bekkinn hér á Akureyri. Kemur í ljós.
Helgin var fín, við fórum út að borða á Strikið sem var alveg ljómandi gott og gaman. Ég fékk auðvitað blóm á bóndadaginn og svo var bara rólegt það sem eftir lifði helgar.
Ástkær móðir mín frú Ásgerður átti afmæli í gær og fórum við í kaffi og kökur á Dalvík sem var ljómandi fínt.
í morgun þurrkaði ég af íbúðinni, ryksugaði og skúraði og líður vel á eftir.
Framundan er brúðkaupsfundur enda bara hálft ár í brúðkaup, það verður gaman.
Magri