Engin fyrirsögn

Helgi magri
Allir lifandi í strætinu magra sem gat af sér Hólmasól!
Já kæru vinir við erum sprell a læf hér í Helgamagrastræti sem kennt er við landnámsmanninn Helga magra, kona hans Þórunn hyrna fæddi þeim meðal annars barn er hét Þorbjörg Hólmasól:
Það er í fréttunum að nýi leikskólinn á Akureyri skuli heita Hólmasól og draga það nafn af Þorbjörgu Hólmasól, sem mun hafa verið fyrsta barn sem fæddist í Eyjafirði, dóttir Helga magra og Þórunnar hyrnu. Þessi leikskóli er á lóð með Helgamagrastræti að austan og Þórunnarstræti (sem reyndar hét áður Þórunnarstræti hyrnu) að vestan, svo Hólmasólin er umvafin foreldrunum. Þó má telja trúlegt að Hólmasól hafi ekki verið í heiminn borin hér á Norðurbrekkunni. Hólma-nafnið er líklega af hólmum Eyjafjarðar í grennd við Kristnes, en fjörðurinn var í fyrndinni mun lengri en nú.
Hvað sem öðru líður þykir mér sérkennilegt að blaðamenn skuli ekki hafa áttað sig á því sem er jafnvel enn skemmtilegra en það sem hér hefur verið sagt. Veit ég þó að þeir eru ekki húmorslausir – a.m.k. ekki allir. Málið er nefnilega að byggingafélagið sem er að búa til Hólmasól heitir hvorki meira né minna en Hyrna... og í símaskránni sé ég að annar aðstandenda þess heitir Helgi... Þetta er eiginlega of fyndið til að geta verið satt! (Þessi boðskapur er í boði Sverris Páls).
Já gaman að þessu og það verður enn skemmtilegra þegar leikskólinn fyllist af lífi og fjöri og verður eflaust meira líf í götunni á daginn en verið hefur, allavega hætta vinnuvélar að moka og móast. Ég held að fyrstu börnin mæti í maí og starfað verður samkvæmt Hjallastefnunni sem er kynjaskiptur leikskóli. Vonandi verður okkur Kristbjörgu barna auðið fyrr en síðar svo við getum horft á börnin ganga 100 metra í leikskólann, gott mál.
Hann Daði frændi minn yngsti Bakkabróðirinn fer ekki alveg strax á leikskólann því hann datt á skíðum og fótbrotnaði. Greyið þarf að vera í gifsi a.m.k. í 6 vikur og það hlýtur að vera erfitt þegar maður er 4 ára og eldfjörugur!
Annars allt í góðu, málin eru í vinnslu og ég fer bráðum á sjó eða í vinnu í landi.
Magri