20.4.2007 | 16:57
Hver er maðurinn?
Lengi hefur mér þótt gaman að spurningaleikjum og skemmtilegast þykir mér þegar valin er manneskja og reynt er að komast að því hver hún er. Við Freyr vinur minn leigðum saman á framhaldsskólaárunum og ósjaldan fórum við í "hver er maðurinn" fyrir svefninn.
Mig langar því að spyrja: Hver er maðurinn? Hvenær er þessi lýsing rituð og af hverjum?
„X var gildur meðalmaður á hæð, þrekvaxinn og limaður vel, en heldur feitlaginn á hinum seinni árum sakir vanheilsu, vel rjettur í göngu, herðamikill, baraxlaður, og nokkuð hálsstuttur, höfuðið heldur í stærra lagi, jarpur á hár, mjúkhærður, lítt skeggjaður og dökkbrýnn. Andlitið var þekkilegt, karlmannlegt og auðkennilegt, ennið allmikið, og líkt því, sem fleiri enni eru í hans ætt. Hann var rjettnefjaður og heldur digurnefjaður, granstæðið vítt, eins og opt er á Íslendingum, og vangarnir breiðir, kinnbeinin ekki eins há og tíðast er á Íslandi, munnurinn fallegur, varirnar mátulega þykkvar; hann var stóreygður og móeygður, og verður því ekki lýst, hversu mikið fjör og hýra var í augum hans, þegar hann var í góðu skapi, einkum ef hann ræddi um eitthvað, sem honum þótti unaðsamt um að tala“.
Góða Helgi magri!
Athugasemdir
Við myndum giska á að maðurinn væri nú bara hinn eini sanni Magri:)
eða hvað??
Gleðilegt sumar og biðjum að heilsa Kristbjörgu og bumbukrílinu:)
Helga og Skafti (IP-tala skráð) 22.4.2007 kl. 13:34
Gleðilegt sumar! Allt í fína hér. Ekki er það nú Helgi magri og ekki framtíðarlýsing á mér:) Merkur maður þó er hér um ræðir.
Gunnþór Eyfjörð G. (IP-tala skráð) 22.4.2007 kl. 13:40
er það nokkuð Guðjón Arnar Kristjánsson flokksforingi frjálslynda flokksins? Hann er kannski ekki merkur maður, en feitur er hann...
Steinþór Tr (IP-tala skráð) 22.4.2007 kl. 15:00
úr því enginn annar nennir að svara þessu þá á lýsingin við Jónas Hallgrímsson .. eða?
Soffía (IP-tala skráð) 23.4.2007 kl. 10:15
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.